亞仔近照

亞仔己九歲了，依然生生猛猛，

都算係咁啦，佢喜歡時就坐正我隔離，

唔喜歡時就越叫越走。

佢真係皇帝脾氣！

相處之道

 

收到一大盒柚子(其實係咪叫柚子，我中文差唔知喎），是奶奶寄來。佢話唔知邊個有破樹喎，問我要唔要，我話好呀。其實佢話乜我都話好呀，老人家係咁架啦。如果唔係佢點會話我最乖。老人家真係要就佢地。次次見面開開心心你仔女老公都易過D。好似我叔仔老婆成曰都唔like佢，佢都唔知為乜？做後生嘅就緊係你唔啱。做人為别人想想會開心好多。

火頭山北海道拉麵

上個月見到這間拉麵店正在裝修，今天來試試。

門口放了很多模型，不過我覺得碗碗都一樣樣。

等了15分鐘才有位。

豉油叉燒拉麵

麵豉叉燒拉麵

我就覺得幾好味，亞仔就話普通。

又要買餸啦

指定動作，weekend要買餸。今天去了本地的日本超市，但係次次買餸都買漏野，今次忘了牛奶和雞湯。次次都係咁。

有月餅賣喎！不過無買。

有加拿大龍蝦，12蚊美金隻，不過無買

呢條係咪紅衫魚淨大眼雞？

好嘢！又減價，買了2包，我家化骨龍喜歡。

我見（是象拔蚌？）到這個是很恐懼的！

呢條唔識煮，煎？諗嚟諗去都冇買。

心態問題

最近香港真係好多新聞，有好多事真係心態問題。講個故事你聽：

我屋企車房拍車個位其實都幾大。我揸細車其實應該冇問題。但我隔離個師奶（歐洲人）成日都拍正條界到。咁佢個細路開門時就撞我到門，而家後門有四個凹印。（其實我無證據，不過通常比人撞會係前門唔會係後門。）

我都體量佢另一邊是半副牆，但係有時佢又唔拍直架車。我家小朋友自細我就教開門要揸實到門唔好撞到隔離。好在我另一邊個車主好人，佢另一邊是行人路，咁佢又係拍正條界靠近行人路, 咁我可以移過D唔洗另一邊師奶撞我到門。我舊年搬入哩時覺得好奇怪，點解咁大個車位佢要拍埋一邊，我而家就知點解。

我架車係舊年新買的，不過我都預咗揸得出哩就緊係會hi花。我都唔care. 呢個世界太多重要事要處理，don't stress the small stuff. 為咗D小事嬲真係好冇謂！再唔係我咪搵張被襟住車門囉！

好耐冇搭巴士

今天放底架舊車，搭巴士返屋企，好耐無搭過巴士。

前幾年有五年都是搭巴士返工，因為在downtown一個車位要二百蚊美金。

後來呢兩份工公司包車位。（算唔話得？淨係想我地做夜啲呀？唔知呢？）

一上車無人喎，真好！這裡日間D巴士大部份有GPS，上網可見到車在那裏，每個車站都有個number，打個站號碼上網就知巴士幾時到，巴士司機也大部份好好人，一上車通常都同佢say hello,下車如果在前門下車都會say thank you。

揸遊客區個D仲好人，我見個有兩個遊客問幾多號巴士去唔知邊到，個司機姐姐話唔係呢到等，叫佢地上車，揸了兩條街下個站叫佢地下車，叫佢地行過對面，搭唔知幾多號，冇收車錢。

這條是大學線，經過大學。

經過墳場，呢到周街都係墳場，

這個應該是華人的，因我見到有中文字。

經過奧巴馬的中學，這間中學出了很多名人，（當然是私校。）

車費是兩個半美金，入錢時司機會比張transfer 飛你，有較兩個鐘，可以轉去另一架巴士。

個司機哥哥幾好呀，比咗四個鐘頭我。我三點半搭佢比到八點我。呢到大部份人都係比月票（$60,無限搭)，所以我比錢嘅佢都是但啦。後來去了奶奶到再搭車返屋企，三轉車都唔洗再比錢。

話說我好多年前唔知啲transfer可以回程用，又係有位司機哥哥叫我攞咗先，如果兩個鐘內回程再用。我話：「得架？」

佢話：「你比錢喎，緊係得啦！」幾搞笑呀！