換了新水喉

我resident manager真好，問他攞了水喉佬電話，這個水喉佬好快手，半個鐘頭黎到，二十分鐘就搞掂，真好,他不是計鐘,一百五十蚊美金搞掂晒。我以後都會搵這個水喉佬，他價錢也很合理，我次次都係百齡二百蚊埋單(這裡人工貴嗎)。

我諗咗咁耐至整，是因為初初諗住橫掂要換水喉，不如換埋sink。橫掂換sink,不如換埋counter,後來諗得太煩，算啦，整咗漏水先算，遲啲再諗點整廚房。

走去home depot 買水喉，我通常只會買大牌子，這個是delta(US$77)，一分錢一分貨,可以用耐啲。其實這個款不是我想要的，不過諗住過兩年可能會換counter,是但買個平平地算了。

題外話,我奶奶成日搵埋啲無牌嘅同佢整嘢,試過整完水喉佢比咗一百,人一走咗就漏水! 成日叫佢搵啲有牌嘅都唔聽我講.

這裡好多大廈都沒有管理處，但有個resident manager,成日都見到我個resident manager落手落腳自己做。前排有人黎我大廈裝發電機，有次見佢係電錶房走出黎成個頭都係塵。我都諗:冼唔冼咁落力呀！哈哈，所以我都很喜歡我現時住的大廈，肯做野的其實是好難搵!

今天亞仔做完ultrasound

有好消息及不太好消息，你想聽邊樣先呀？

做完ultrasound,心臟沒有事，舊石真係細咗，這是好消息。

不好消息是bladder好似一邊生厚咗，可能是cancer ，但因為他bladder 不滿，所以好難睇，而家要三個月後返去打去水針然後再照。

我的想法是終之唔發大就好了。

上次我買了包新草，我諗他牙齒好了好多，因為已不見咬碎咗的兔糧在地上。

前幾日他又在屋企狂跑，我坐係sofa 都唔敢落地！

朱古力蛋糕（用microwave 叮）

有晚好想吃蛋糕，記得雪櫃好多朱古力。好多時同事去完旅行帶啲70%cacao的朱古力，就咁食我覺苦，諗住得閒用來做甜品。上網找coffee mug cake有很多食譜，做了兩杯朱古力蛋糕。很好味！

題外話，亞仔同我講他的好朋友下星期如果體能合格就誓世入美國軍部。好多香港人對軍隊都意見不一，但我話你知在美國是很多人的出路。第一美國軍部是自原加入，冇人迫你的。好似這個仔，他父母五年前鬧離婚，搬了去亞婆屋企，佢亞婆把口唔停 (我聽人講,我姑仔知佢係邊個, 可能亞媽都係咁)，有晚走了出街我接了他在我家訓了一晚。後來中學畢業後讀了五年副學士(兩年制課程)都沒有方向，所以今次亞仔話我聽佢入軍部其實對佢是很好，我好鄧佢開心。我覺得他離開佢亞媽及亞婆反而是好事。好開心他找到條岩佢行ga 路。

又要抱亜仔去見獸醫

⬆️這副他訓到蒙晒

星期六帶亞仔返去照X光，又要食抗生素，不過舊石又細咗，真是好消息。

今次又有新野，事源我叫醫生聽聽他的心，因見到佢成日好似抖大氣咁。醫生話他心臓gallop多一次,即係跳多咗一吓。照完X光排除不是肺積水，遲啲約到ultrasound要帶他去ultrasound。咁今次加了心臟的中藥，但是這藥粉好大陣味！我加好多草粉亞仔都唔係好食，真係比佢激死！

我記得好似個舊黃綠獸醫都話佢有gallop， 咁我問而家呢個醫生上次有無gallop呀？佢又話無喎，佢上次我都話佢成日抖大氣，所以我都唔知亞仔乜事，睇完ultrasound再算吧！

我又話亞仔有時啲食物會係口跌返出嚟，醫生話好後隻牙有尖角。養兔仔的朋友都知道，兔兔的牙是會不段生的，要靠食草來磨牙的。醫生話因為未知心臟乜事，所以不可以同佢磨牙，因為要麻醉才可同佢磨。我買了包新草，等佢食多啲草，好彩呢幾日佢都再無跌食物。呢個仔真係煩過小朋友呀！

失蹤了兩個月

你看本地動物協會又有兔兔待收養啦！一男一女很cute耶！
失蹤了兩個月，走了去考試呢！臨老黎讀書真係好辛苦！很開心考了專業認可，對份工有冇用就唔知啦，可能將來會有用，啲野話唔埋。總之我知道唔進步就會比人淘汰，我還未夠時候退休，所以都有排挨呢！

兩個月都無做家務，現在要休息吓每個weekend做小小家務。還要諗諗下一步搵甚麼東西來讀。

兔兔待收養

寵物店放了隻在本地動物協會待收養的兔女郎，她好生猛，可惜我照顧唔到兩隻啦！真是可憐，啲人BB仔時好得意，到他們成人後就拿去動物協會。我次次見到都想抱他們回家呢！

ginger candy

在Ross找到這個糖，入面只有三樣原料，我要定一定神，啊，現在真難得呀！

又比我搵到新野

真敗家，又買野，每樣五蚊美金，大家見過coconut sugar 嗎？試吓有乜唔同。

本地唐餐

⬆️給各位看看👀本地唐餐是怎麼樣。🍴

炒飯，雲吞湯，豉椒牛肉，蒸魚片，蔥油雞，麻婆豆腐，蝦炒牙菜，酸辣湯，燒鸭麵，還有蒸肉餅未嚟。

我現在看到幅相又肚餓啦！

三個月啦，又要返去照X光啦！

今次又有野發現，亞仔始終是十歲。我覺得唔惡化已經好好。

首先講佢啲賢石，上次咪唔係好肯定係咪細咗嘅？今次再照肯定真係細咗喎，而且細咗一半添呀。所以我都好開心。

不過今次發現右眼有cataracts，暫時很輕微。醫生話遲啲如果發炎是急症，就要去急症室，他們會remove隻眼。

X光也照到背脊風濕，差唔多成個脊骨都有。第1，2，3，4，7，8節骨都有。現在他還跑跑跳跳，遲啲醫生話可能要針灸。（你唔好話佢，我自己都照度有小小風濕啦!）

今次要食抗生素兩個星期，因為驗尿又驗到發炎，醫生話啲中藥可能會度至尿道發炎（這個我唔係好明，不過佢係咁講），所以要成日驗尿。

Overall 我都好開心，六個月前黃綠醫生話無得救，到今時今日這個醫生醫到佢舊石竟然細咗，我都好安慰。

Ross 很多野賣的

呢排唔得惦，隔日就走去wal-mart，好似香港咁日日去買餸反而上星期六日我沒有出街買菜呀。

另外一間我常去的是Ross，在公司樓下好方便，主要賣家居野及衫褲鞋襪，啲野好平架！我啲全天然洗頭水也在這裡買的。

我平時不是樣樣都用有機。如果我見到有減價或價錢合理都會買，但見唔到時就買冇機的。現在有機野普及了，很多鋪頭都有自己品牌的有機或全天然用品。

⬆️今天見到這個，真是太cute太cute了。每個六蚊美金。

⬆️這個太有用了，七蚊雞，不用揸住部電話揸到手軟。你們有無試過訓係到看片，揸住部電話跌落塊面到呀？哈哈，我知人人一定試過啦！😂

yea! 新開wal-mart

返工附近開了間新wal-mart,真係令我很開心。第一天人頭湧湧。

我在這區返了十幾年工，可以買野的地方只有一，兩間。主要是有間drugstore,以前有間百貨公司，要買菜的就要等星期二，五的露天市場，或者行3 blocks 去唐人街買。

在downtown月租車位貴（大約$250美金一個月）也是短缺。大部分人都是搭巴士返工（我以前公司有巴士券資助）。所以我而家都是好好彩，公司比一個車位我。（我以前有個朋友舊公司有車位，去到新公司要自己租車位。她"咬咬"聲話要自己比錢租車位不大公平。我話[你知唔知普通公司通常係唔包車位架！]）

Anyway,就係因為咁我買完野都是以馬蟻換家的形式攞返屋企，由其是罐頭，減價買了在公司，幾罐幾罐咁攞返屋企。現在揸車返工還好，可以買完去停車場放落架車到。

好啦，講咗咁多背景就係wal-mart 新開那天去逛逛，二樓有電器都ok，唔明點解佢會賣單車同furniture,如果係coffee table 都ok,但有啲係重到死的。跟本冇辦法抬到上車。佢個停車場是要行出街行去街尾。Automotive department 又有好多coolant擺哂係到，心諗有幾多人返返吓工架車漏coolant要黎買，其實佢擺五，六個已經足夠。的地方是每呎計的，擺啲無謂野都係曬錢💰呀！好唔明佢點諗！

真木督！

話說上幾個星期買咗條木返來，返到黎唔記得用來整乜野！！！

然後昨天發現kitchen櫃入面水龍頭底開始滴水！又要返去五金鋪買個水龍頭，然後叫水喉佬黎裝。在這裡如果你買埋叫佢裝，水喉佬只收你段鐘計（八十蚊個鐘），但佢會收埋travel,即係佢做完上一單，打電話黎話佢而家黎緊啦，就開始計鐘，多數大約十五，二十分鐘(travel)，然後佢要乜野parts要去買，都計鐘架！

所以叫佢整滴水，可能百幾二百蚊美金埋單，你叫佢裝個新的（你買埋比佢），都係可能收大約咁架價錢。所以我裝個新的好過，唔冼煩。

其實我屋企好多野都要換新，不過一次過換晒都幾甘。所以我都慢慢黎，可能幾年先換一件家電。

五金鋪

題外話，今天去大型五金鋪，住外國的朋友都知道呢邊的五金鋪好鬼死大間。我其實很喜歡逛逛的，有好多野睇。我入去買一蚊的膠管，出來時60蚊找數！

買了個停電燈仔，又買了個保護power surge的插。還有個timer,又買咗條木，買咗個架來放煲。真係乜野都有得賣。

我揾人同我剪喉時，個亞伯問我，「你買條喉有乜搞？」我話我部流動泠氣滴水囉。咁怪嘅，問我買哩做乜。

買了三呎，四毫三子一呎，誠為一蚊幾美金。

很休閒的午餐@Zippy's

這間餐廳Zippy's是本地品牌，周圍都會有一間 ，差不多似香港的大家樂，有飯有麵乜野都有。他們的chili是挺出名的。其實我屋企附近也有一間，不過我總是喜歡揸十五分鍾車來這間的呢。因為這裡坐得舒服又無人。你看一點鐘都無人呵。通常他們一邊是外賣一邊是餐廳。我坐這邊是外賣的。慢慢吃很休閒呢！

你看decor多美呀！好有diner feel呀！

今次叫炸雞，牛肚stew和雞🐔吉列。他們的炸雞做得很好呢！很滿足!

香港超市有發現（大驚小怪）

大鄉里出城，返香港見到乜嘢都大驚小怪, 我同小朋友行超市都行到嘩嘩聲！乜嘢都覺得好搞笑！淨超市都好多嘢睇呀！

Capri-Sun是Capri-Sonne

這個很有趣，calamansi juice，小青檸．

這個我地果邊無喎，芒果minute maid.

嘩，乜賣到咁貴呀？呢到三蚊美金罐咋喎！

還有亞仔問我，重乜茶餐廳又好，酒樓又好，一座低就隊杯熱水比你，出面卅十幾度點飲呀？

哈哈，又有道理嘅，我話［香港係咁架啦］．問個亞姐攞杯冰水真係難，次次唔係唔記得就係好耐先比到你．係咁架啦！我有次行到一身汗，一座低問個亞姐攞杯冰水，佢仲問我［好熱呀？］，我話［係呀，行咗好遠呀．］然後佢攞杯冰倒壺啲熱水落去，咁我杯本來想要嘅冰水就變咗溫室水喇．真係唔知好嬲淨好笑！

今時唔同往曰阿！（個商場）

星期日出去走走，好耐冇去Ala Moana Shopping Center行了，平時去食飯就直入餐廳，真係好少行．這間商場是甚麼全美國每坪方呎最高消售量之類，成日都係到起嘢，起完東面就起西面，所以我都好耐無去行了，最怕泊車！

去到有個超人係度，啲小朋友坐晒係地下睇到眼定定！

我太耐無去這商場，很不喜歡它的改變呢！地下那層全部是名牌呢， 普通市民的上晒二樓！以前唔係咁架，以前名牌同普通牌撈埋一齊架！我同亞仔講，佢話［唔係呀，不嬲都係咁架啦］．佢地啲後生仔成日嚟就更係唔覺啦．我突然間覺得自己好老！！！

後來去food court食lunch，咁又一日．

台灣走走走

（房外景－Novotel Taipei Taoyuan International Airport Hotel)

話說第二朝訓醒就落樓下食早餐，放假心情，慢慢嚟，唔使急！我最不喜歡的是旅行趕頭趕命，我妹妹就是典型港人，由早上八點去到晚上十二點，無得食無得訓重要行餐死！我同佢去過一次旅行以後都避咗佢！

我通常去旅行會有幾個必去的景點，還有幾個不必去，有時間先去，的景點．還要看看情況，起唔到身咪訓晏啲囉，乜嘢叫做放假啫！

雖然網上訂房時揀了包早餐，不過諗住起唔到身就算啦，或者去到台北先食．點知第朝又起到身喎．食完早餐，去front desk諗住買705巴士車飛，點知佢有酒店高鐵shuttle（免費的），在酒店網站是沒有講的．好似係每30-40分鐘一班（跟高鐵班次），不過要寫名，我從台北回來時架高鐵shuttle已經在候車區等緊我啦！所以我話這間酒店真係做得好好！

高鐵桃園站－單車也可排隊嗎？香港就無人會讓單車呢！

高鐵站－我覺得啲箭咀好搞笑呢！不過佢做得真係幾好．

一出高鐵台北站（二十分鐘），有條地下街，有很多店舖的．我見到krispy kreme當堂醒晒，本來諗住回程時去買，點知原來搞錯咗入咗閘係去唔到地下街，嗚嗚！

高鐵台北站再轉地鐵去Taipei101站（紅線）

那天落大雨，去了Taipei 101

奉勸各位，一出地鐵（好似叫捷運）你會在Taipei101地牢food court，唔好同啲大陸同志争上電梯，上一層，然後去5樓買飛(500台幣），再由5樓排隊入去．（啲指示牌不是太清楚的）．

走也是，排隊落去5樓，唔好落地牢，條隊短好多．

落大雨，邊度都去唔到！

後來落返地鐵紅線去了蔣介石紀念堂,因為落大雨，只是影幅相，走走書局就走了．

回程回酒店搭機場shuttle（免費）去機場，（唔冼寫名，每15分鐘一班）．

在機場慢慢食飽才上機返香港．

最後．．．．．．．．．．．

我想讚下台灣的市民，行人在地鐵行都是左落右上 （好似揸車咁），唔係好似香港咁橫衝直撞counter traffic!  在高鐵等車時，見到有兩個人不約而同放個袋在地下等人有得坐．而我在成田機場返香港的候機室，啲人坐一個位，佢嗰袋坐一個位，我跟本就無位坐！

台灣很棒呢！

我不寫遊記了，只是寫寫我的感想。次次返香港都是十幾個鐘走走走，今次決定在台灣停一停。還是第一次去台灣呢，很喜歡這個地方啊。下次返香港也會留幾日。

不知是否放假心情，見到樣樣野都好開心似的。去搭高鐵時對地上畫的指示很impress呀。乘客也很守秩序，真是同香港爭好遠呢！

因為是晚上到台灣，所以是但在機場酒店訓一晚吧了。我上綱訂酒店時看到啲review話這間酒店（因為在跑道旁所以)很嘈。老實講我又唔覺嘈喎。話明叫機場酒店，我真係想問問d reviewer個expectation係乜野？

這酒店的配套做得好好。有機場shuttle bus，又有高鐡shuttle bus。還有架705（唔記得係750淨705淨704）巴士去高鐵和機場，真是做得很好的。

唔知點解我很impress，樓梯都有箭嘴呢！不過點解沒有落的箭嘴嘅!

扮唔知

我返了香港，發現有個現象。就是的士叔叔都扮唔識路。一日內發生了兩次。咁我表弟通常都冇答佢，咁個叔叔又會識路去到目的地架喎！我表弟話如果佢真係唔識路會問call台，我們坐的士時也聽到call台教第啲的士邊條街入。他是試試我們是不是遊客，係遊客就行多幾個圈。我心愛❤️的香港成了甚麼世界？

迋迋日本超市

我諗有三個月沒有去了。這間日本超市不是百份百賣日本野，也有中國野同美國野。不過間舖就殘殘舊舊。我間中都會去買吓野。因為我不落唐人街買野的，有甚麼唐人野都在這間買。冬天打邊爐就來這裡買魚蛋，牛丸及切得好薄的豬肉🐷。我好怕唐人街，擺晒出街又誠。

第一次見飯盒有兩層。

我只買台灣米粉，只有這間有得賣。我好怕啲大陸野。好大蒙，返到屋企原來pantry已經有一包！

今次見到這個香港來的麵試試看。

冬菇買日本的，不過好大可能來貨是大陸！這裡也有維他奶賣，台灣檸檬茶🍵也是我大愛的。

今天bunny覆診

今天攞了一天假帶兔仔覆診。要揸十miles去Kailua.那邊山明水秀，要經山邊條公路及隧道，挺漂亮的。可惜無辦法影相，因為兩隻手要揸實個軚，如果唔係碌落山！

今次再照X光及驗尿。我的心態是．．．．．．．佢啲石無擴大我已經好滿足。個獸醫都話，「唔知係咪心理作用舊石好似細咗．」 我們齊齊看著電腦，原本是兩舊黐埋一大舊，現在舊石好似細咗，有三細粒分開咗出黎。後來要等驗尿，結果是一切正常，可以停抗生素了。 中藥就當然唔可以停啦． 所以今天都幾開心。現在一個月後返去驗尿，三個月後返去再照X光。