本地义燒包

這裡包叫manapua,有义燒，雞肉，豬肉，蠟腸都有。有蒸的，有焗的，周圍都有得賣呢．

７仔又有，wal-mart又有，連超市都有呢！

今朝早餐，加杯奶茶，很滿足！

Aiya，乜你唔係陰公架？

你睇佢幾乖，自己食藥啦！我放係個蝶仔到佢自己食呀！真好，真係唔想捉佢咁多。

咁我朝早可放底隻碟仔由得佢自己食，我放工返來先餵佢食夜晚嗰次，因為佢都唔係食得好乾淨。

撈得掂又點？

上討論區成日都見到啲人話乜乜移咗民撈唔掂返香港。我想，撈得掂又點？好似我自己，想返香港住都成問題，在美國咁多年，第日退休都係在美國，退休金在美國，醫療保險在美國，醫病也在美國。但我還有很多年才退休呢。在美國現在這一代要六十七歲才退到休呢！到時是否太老了？

當然如果你係大富大貴那些就不是問題。但我只是一個好普通的市民。

有好多blog友，一個人在外國，嫁了老公在生卡啦地方也要跟埋去。我覺得她們很偉大，為了家庭貢獻了很多。

搬返香港？唔係咁容易！

香噴噴的malasadas

這個我在舊blog也介紹過。是我一見到就好開心的malasadas。

每當我經過這裡，我都忍唔住要入去買。malasadas 是葡國donut,現在已變了本地食物。他們起了價，以前是六毫半子一個的。

我買了一打，唔係講笑，malasadas係唔可以食一個的，我一返屋企己吃了四個，食淨放在雪櫃毎二天叮十秒仲好吃。真係唔係講笑，是會上癮的。

店主好似是澳門人，以前報紙介紹過的。

他們即叫即炸，比你時熱騰騰香噴噴的。人生一樂也，今天很滿足耶！

beef stew

呢幾日真係幾凍,搞到我都唔願出街。由其是我屋企向山，在這裡風是從山那邊吹來的，也看到小小海，太陽是從海那邊落的。所以我屋企都幾光猛也是唔熱。

在這裡望到海景的單位是熱死，望唔到海的單位是凍死，嗚嗚！

有D大廈是唔凖裝冷氣或者每戶只準裝一部冷氣，有啲唔凖裝分體式。

所以我前年搬時都揾個向山的單位，咁夏天都唔冼開冷氣啦！

天氣凍就想吃暖暖的菜式，今天整了beef stew。我試過N年前整過中式牛腩，小朋友唔like呀！話怪味喎。

好陰公

你睇佢食藥個樣幾可憐！

真係希望可以飛佢去台灣或香港見中獸醫，因為西醫已經幫唔到佢啦。

佢暫時除了X光照到有腎石之外，其他報告都正常，下星期做埋ultrasound,就會知道更清楚。他也不似不舒服，照樣跑跑跳跳。十歲囉🐰他是老爺爺呢！

今天好凍呀！

今天起床只有六十三度F (十七,八度C)，好凍呀！煲了隻蛋就匆匆返工去。好笑隻蛋返到公司還溫暖的。

下午想食湯麵暖暖肚，就落樓下買了雲呑麵，不大好食，不過啲蝦餃燒買保返數。這裡蝦餃叫蝦餃 ha gua,燒買叫pork hash。蒸肉餅也叫pork hash。七仔也有燒買賣。

其實我想去買有檔唔知越南定泰國食肆啲海鮮麵很靚的，不過佢落咗應該是魚露好鬼大陣味。費事在office食啦！

影夠未呀？

亞仔今天很乘，厠所大大灘。他下個星期有ultrasound。（媽咪好衰架，咁私人嘅野都post出來。）

現在一日三餐中藥，我mix小小草粉餵佢，佢都好受，好乘仔。

呢個世界真係太玄妙啦

話說我亞女早排攞了兩個袋及兩個盒返來，話唔知邊個家長有D二手野之類，老實講我都冇留意佢講乜。咁佢D同事話睇吓有冇人要。咁佢地成班同事每人都有D野攞返屋企。我都冇為意放埋一邊。

過咗幾日。。。。。

我上綱想買個飯盒，還未決定買邊隻，不過有隻brand name sistema 好吸引，BPA free,new zealand制做，可以放入微波爐，幾好呀！差不多買啦。行去廚房望一望D盒，咦？點解寫住sistema嘅？嘩，發現新大陸呀！

個blog似番樣D

今天放假在家搞了一天，終於搞到個blog自己都滿意啦！

當初yahoo話收舗之時，都決定唔搬D舊野過來。因為兩年前我上一份工時真係做得好唔開心。所以我唔想睇返D唔開心嘅野。咁在這裡就要由頭寫過啦！

blogger真係好難用，（所以見到我個名又道轉咗又成）(哈哈，已家個名好似粗口，嗚嗚!!)

不過免費就冇得咁多complaint架啦。用用吓我都習慣了。不過我打字真係好慢。舊年轉咗iphone而家要用手寫，咁就慢上加慢。因為我有好多字都唔記得點寫。

不過現在我對自己個blog都幾滿意！

牛排加芥蘭

今天是公眾假期，懶洋洋的,訓到十點才起身。

起身看看電話舊獸醫打電話來，話佢今天唔係返工只是回電話給主人。咁當然我十點打返去佢已經走咗。老實講，揾唔揾到佢我都唔care。上星期x ray都系我叫，如果唔係點知D石多了咁多。

(如果我等緊人回電話我會叫reception小姐connect去我手提囉。)

沈日好想食牛排，買了切得薄薄的牛排(快熟D 嗎),而家D牛好似貴咗好多。今天用來做lunch.

星期五在open market買了芥蘭。我返工樓下每星期二，五都有open market，我得閒時都會去買菜心。

很簡單的又一餐, very nice很滿足呢!

亞仔食緊中藥

當初去這間診所我不知道他們有中藥的。我大約九年前同兔仔去過這診所。那時是個好老的西人做主診，後來我都冇再去。

就因為我哩個獸醫成日叫我唔冼擔心，今次我復診叫佢照X光後見到D石多了咁多，就決定去搵過第二個醫生。

想起九年前去過，上綱搵點知西人醫生已經退了休，owner 已經換曬人。打電話去約reception小姐問我想睇邊個。我記得其中一個是owner,咁就揀咗佢。

後來睇完攞埋藥返到屋企上綱揾個藥名，先知原來係中藥。同埋佢係去過florida讀完一個獸醫中藥的課程。咁你話D野係咪整定呀？

初初佢話herbal我都諗唔起係中藥，返到屋企上綱揾到藥粉成份，全部是雞腸。再用google translate，藥粉成份如下：

何首烏,車前子,川木香,當歸,茯苓,樟,海金沙,珍珠菜,石竹,熟地,蓪,澤瀉,梔,豬苓.

不過她也說過要食好耐至有效，所以現在睇定D先。一日三次開水比兔仔食，有時諗一定苦死佢！

bunny update

今天去完另一位獸醫，

她給了中藥草藥粉(herbal)。


（其實我去的時候唔知佢有中藥，

有時D野真係整定）

但她說這藥粉要食好耐先有效，

希望腎石不擴大。

她還要打電話問手術中心的醫生，

討論做ultrasound 還是做dye test.

主要是看看尿道。

她說如果兔仔去唔到廁所就要去24小時急証。

一個月後復診。

我之前都知道腎石是無得做手術的。

現在為有控制佢唔好擴大。

年半前已經改了兔仔的diet,

現在連白菜都唔食得,要轉做生菜，要浸了水咁比佢食。

我以前都有整濕D菜咁比佢食，而家要浸了水的生菜，等佢多D水份去多D廁所。

咁我叫佢今天再做一次xray啦，唔單之kidney 有石，條尿道都好似有石，不過看不清楚。

後來獸醫話我下一個月可返上個獸醫做x ray, 我話唔返囉，我去咗兩年，當時是轉介的，因為當時在兔仔腎發現兩點，而這個獸醫是專醫兔仔的。每三個月復診都問佢洗唔洗x-ray, 又話唔洗。又話佢食得訓得冇事嘅。

如果當初開始食藥粉，可能可以控制到唔會擴大。

真係唔相信後來下午新的獸醫打電話來，話同個radiologist講完，話如果做dye test 可以去見佢同埋可以見埋surgeon.

同佢講了一陣，我話睇定D先，她也同意。因為兔仔現時stable,尿報告話佢夠水份，只是好多calcium. 所以而家做架野就係要防止尿道blockage。一有blockage就會有生命危險。

所以暫時我都安樂小小。

最近不大好過

最唔想發生的事終於發生咗。亞免仔一個腎生了好多石。還要等報告出，不過我已經知道等如甚麼。這幾天很難過。他仍然跑跑跳跳，令我更難做。過兩曰醫生應該會打來，希望佢睇錯。但我在電腦上看到很清楚的。我同事佢貓生腎石都冇得救。