整pizza

哈哈，對於一個唔係咁鐘意煮飯的人呢講，今次很大工程呢！

今天用麵包機dough function 整pizza。整完舊dough等十分鐘，之後碌平佢就入得焗爐，焗二十分鐘。

我就碌嚟碌去舊粉團都唔夠薄，心諗是旦啦就放入去焗。亞女話好似超市果啲咁喎！我話碌唔到薄啲。佢話「碌唔到薄㗎，你要拋上去先薄架。」比佢激死，我話下次你整呀,你嚟拋呀！

家常便飯

其實我是不怎麼喜歡煮飯的，不過冇得食就要去煮架啦！每星期去買餸都沒有甚麼計畫，見到乜野就買乜野，通常都是看看甚麼做特價。

有天很想食pound cake,上綱揾食譜，不過唔夠香又唔夠甜，下次再整過。

炒米粉

新嘗試，放落slow cooker諗住炆焾牛肉，兩個鐘都唔夠焾，下次要焾四個鐘啲青椒臨尾先落。

牛肉豆豉醬炒蘆筍西芹，這個很好，亞女猛食。

牛肉炒豆

煎豬扒

我通常都係一煲過。

一餸無湯。

新玩具-麵包機

真係好好用，張啲物料放晒落去就有新鮮麵包啦。而家我每個禮拜都整一loaf。

廣東係香港？

上討論區見啲人講香港突然想起這件事。

在這裡有很多華人都是第四,五代，大部分唐人樣子都唔識講廣東話，而且這裡的人是混血得好亂的。有些人有4，5個血統,在這裡是很正常的。我以前有個同事成日以為佢係唐人，後來才發現原來佢亞媽係日本人。通常除了在唐人街買嘢以外，我是不會說廣東話的，因為咁樣是不禮貌的。除非佢同你講先，但如果有第啲人在場我會解釋返我們講過甚麼，由其是見客就更加啦。

是咁的.........前年有同事從加州來一個禮拜，他的姓氏字母是唔知Z淨X，唔記得啦總之唔係廣東話姓，應該是大陸。咁我地一大班人請佢食午飯，全部人都講英文，有人問他從那裡來，他說「Hong Kong」,咁我鬼咁開心用廣東話同佢講（在所有人面前）「虾？你係香港嚟？我又係從香港嚟嫁！」 然後用英文同其他人講「we came from the same place!」,然後我好似用中文問佢去咗加州幾耐，點知佢用英文yi yi哦哦話「Yeah, I am from 廣州, the same.」死野扮香港嚟，我聽到後都冇出聲，之後全程我都冇出聲！變態!

晏晝食乜嘢

通常我中午是旦買個飯盒就算，那那聲食完就計續開工。有時有餸就帶飯，不過有時我夜晚是但食D野咁第二朝就冇飯帶。

我有同事天天都帶飯，真係唔知他們點可以咁有效率。點可以天天都煮飯？重要天天有得淨？第二日帶返工？

我未到十二點就落樓下買，免得遲D多人，有D檔口佢地真係好慢，我唔會幫襯，有D又比好少，我又唔幫襯。真係好唔明做生意嘅，我咁瘦食完都肚餓就真係你比得太少了。

而家出去食都好貴，成US$8,9蚊一餐。

炒菜炒豆加河粉

呢個很好吃的，三種沙律，吞拿魚，蕃茄沙律和pea salad。檔野賣意大利餐，華人開的。

咸酸菜炒牛肉，西蘭花炒牛肉加炒飯

木瓜煲雞，炒粉，pinabet

一樣米養百樣人

我好少講返工。不過今天門口位小姐遇到對手啦！

我公司門口個為小姐人靚聲甜，個個見到佢都會愛上佢咁制。不過耐了相處就知佢大超細。佢唔鐘意會鬧到你狗血淋頭。我盡量都唔野佢，連老闆都怕咗佢，又唔知點解唔炒佢喎。我自己搞掂自己D野唔理佢。

是咁的，年初出面走廊同隔離有裝修工人做野，佢直頭打䦕道門鬧人！

昨天又有工人係隔離唔知做乜野，佢走過隔離話人地嘈。比個主管話返佢「我係地下舖野點會嘈到你呀？」哈哈，佢死死地走返來同老闆投數，後來搞到去管理公司。重同老闆講工人冇禮貎。我心想，終於有人惡過你啦，底死！

好乘仔呀！

前幾個禮拜兔兔做了ultrasound,一邊kidney滿了石,那個kidney應該是唔work了，bladder也滿了sludge.獸醫開了一個月抗生素給他。他真是很乘，每天一日三次中藥我放在碟仔他自己吃，一日二次的抗生素餵他他也自己吃，真是很乘仔。我自己也有心理準備，他可能只會活至幾個月可能會有一天drop dead.獸醫說她有狗食了一年藥粉，我冇再問她,但我覺得藥粉應該是沒有甚麼效用。那些藥粉是ready made，唔以人類睇中醫可以custom made.如果這裡有中獸醫你話多好呵！

女人真麻煩

唔係講笑，我係女人都覺得女人麻煩。
1) （有啲）女人成日都諗多咗。
2）（有啲）女人成日喜歡同人比較。
3）（有啲）她們往往有complex。

我講緊係general terms，當然唔係個個女人都係咁，有啲女人是很正常的。（我用「有啲」驚比人鬧呀，嘻嘻。）

平時返工的比較好處理，因為至多唔理佢，唔加嘴。如果佢同你講是非 [哦] 一聲應咗佢就算。佢變態我都冇辦法，只想或者她有個不開心的童年罷了，唔理得咁多。

我試個有個朋友，每份工都係做五至八個月，次次揾工都打電話比我。我當初都想比意見幫佢。佢都同我講話好鐘意同我談話，因為我有好多advice。最近我都冇接佢電話，份份工都做唔好，佢又唔準時返工，下午又鼠咗去，又交唔到工課。大佬你都唔幫自己,我點幫你呀？

如果是你屋企或親人就麻煩啲。又係嗰句，有時唔接佢電話。唔係次次都唔接，係有時唔接。你次次都接反而佢就會揾你多啲。但自己人的就唔好再加嘴啦。佢講講吓你冇反應佢就唔會講咁長架啦，唔係點喎？

同啲負面的人相處真係好唔掂，往往影響自己，把自己從高處拉下來。所以自己要知道，如果你已經坐了在雲上就唔好比負面的人拉返落地面。

做人最緊要是快樂，不要令負面的人影響自己呵！

這裡的weekend是這樣過的

周六,日通常都是整吓野食，買吓餸。通常仔女都有他們的節目,我就逛逛街，買吓餸。同bunny買草，本地動物協會放了隻兔子在寵物店給人領養。多cute耶！是bunny的表弟啊！歲半是男仔。真是很想帶他回家呢！可惜我沒有咁多精力照顧兩隻啊！而且兩隻公是會打的。

沈日心血來潮，經過本地動物協會，入去看看有沒有兔仔。兔仔就冇啦，guinea pig就有好多隻！所以各位朋友呀，不要在寵物店買，要去領養啊！太多人養幾個月就放棄他們了。可知寵物是跟你一生一世的啊！

好似當初bunny返我屋企，我想只有幾個月大，又唔比你捉，同佢梳毛又鬧我，叫佢就掉頭走，叫佢返入籠又鬧我。比較起來而家佢真係乘一百倍呀！

隻guinea pig好多毛呵！好似冇梳頭咁。

去超市想買frank's hot sauce,點知竟然一支都冇。亞仔上次整chicken wings用了2/3瓶，叫我得閒買返樽。點知superbowl個個都整雞翼，冇貨添。

周末，就是咁休閒了。