快餐店的婆婆

直係好感觸。今天同亞女去快餐店買野。前面個婆婆叫了碗麵，四蚊美金，見佢數銀仔數哩數去。咁我伸長條頸睇吓佢數到未。
亞女話:「亞媽，你唔好好似啲師奶咁八卦啦！」
我細細聲話:「唔係呀，我睇吓如果佢欠小小我諗住同佢比埋呀！」
點知原來佢欠四蚊，但佢在手袋巢哩巢去都係得幾毫子。
咁個收銀話:「你張咭呢？」（應該是政府給的福利咭，可以用來買食物）
咁我見佢巢哩巢去都冇攞張咭出來，只是數銀仔。
咁我同收銀講:「我同佢比啦。」
我攞張5蚊個收銀找埋錢，佢都好似唔知發生乜事。
後來個收銀話:「佢同你比咗啦」婆婆講多謝，我估她是韓國人，可能唔識講英文。（如果是唐人，我會同佢地講廣東話。）

後來我叫餐時同個收銀話「佢是熟客？」（在這裡出街同外人講兩句是好普通的事，有時撘電梯啲人都會同你講bye bye)

收銀話佢一日三餐都係在這裡解決，不過佢平時有張咭，可能佢唔見咗張咭，話佢有時唔記得比錢添呀！」
唔知點解我聽完之後很感嘆，我老咗之後又會唔會咁呢？

後來我同亞女出去門口，亞女望望對面話對面好似係老人宿舍，可能佢係住對面。
我同亞女講佢一日三餐都係快餐咪食到佢高血壓？直係好感觸。

去Kauai開會

前排要去開會，嘩呢到乜人都冇。心諗在這裡生活多好啊。冇塞車呀！

我現在好迷茫，這是兔兔和我的blog,不知怎樣寫下去呢。

很漂亮的欗花🌹

兔兔🐰你看，媽媽買給你的欗花多漂亮啊！

你獸醫多好，寄了張心意咭給媽媽。她其中一位助手還寫你怎樣成日咬我奶奶攞友！真搞笑！

Dear Bunny

兔兔你看，我同事送給你的花花，多漂亮呀！

Dear Bunny,

 你上兔兔天堂呀,唔冼掛住媽媽呀。在上邊，大把朋友同你玩，又可以睇返野。不過要改改你的臭脾氣，係得媽媽先忍你咋。有時我都唔記得你都十幾歲，即係是一隻很年老的兔兔，所以你身體好多器官都有事, 真係辛苦了你。

好好去玩吧！

你真係隻好好, 好乘的兔兔呵！

兔兔睡姿

兔兔病之前唔係訓成咁架。

自從佢病了之後，有時訓訓吓會碌落地。

他現在已經停止所有treatment,只是食止痛藥，

衰野同佢餵草粉成日同我打交又挖洞又盛，有時又好乖咁大啖食晒。

他平時訓時條頸係直嘅，但訓訓吓會灣到90度，然後有時會碌落地。

獸醫話要諗諗下一步，但我還未決定到呢。

十二歲的兔兔

兔兔is now under hospice care ，一日兩次止痛藥，暫時他好受草粉，大淡大淡咁食。

側頭總算好返，隻眼也好返。

上月ultrasound liver 積水, liver 發到雙倍咁大。

我不寫太多了。。。。

兔兔物資

衰仔又唔肯食野，因為上次嗰包唔知點解無咗好香的香蕉味，後來我再訂大包裝的諗住可能批貨係咁。大包一磅裝也是沒有了香蕉味。係買apple banana flavor 都冇香蕉味。決定訂fine grind試試看，fine grind開了水後好似溶了的綠茶雪糕般，但係陣味是草味。我就覺得好難頂，兔兔就好鐘意！他現在肯食了，有得入有得出。不過佢唔知可以頂到幾耐，過得一曰得一日。

兔兔很好,媽媽就心掛.

兔兔訓緊覺，無儀態可言！

上回講到約了眼醫生七月中，因為媽媽擔心而預約姐姐話可以urgent care但要加錢，終於打電話去問可不可以早啲。呢個唯一一個的動物眼科一個禮拜只開四日，我可以drop off然後遲啲接返亞仔走，兔兔只是在那裏四個鐘就收我urgent care+hospitalization。

眼醫生放了glue在眼球，換了眼藥cipro，一個月後再返去。其實佢話glue可以optional ，不過我諗住撗掂都係做埋佢，當然又是加錢啦。唔通唔醫咩。眼醫生話兔兔有cataracts,兩隻眼都看不到了。個醫生好好人，她自己也有兩隻兔兔。

上個星期去了眼醫生，針灸改了今個星期，因為不想他一個星期內做太多，沈日兔兔冇得出，好在公司放早，下午返來就餵metoclopramide，又餵probiotics。 今朝起身兔兔已經有得出了。

上次啲中藥叫做6 gentlemen 六君子食晒，問醫生refill 佢無貨，所以無攞。今次再問又無貨比了4 gentlemen 四君子我。其實我對中藥沒有認識，但都知道要長期食才有效。google 四君子在網上找到成份，黨參，白術，黃芪，

茯苓。雖然我都很擔心，但我覺得他種算是穩定啦。

你們信算命嗎？

哩幾個月因為要照顧兔兔，真係冇出街。星期六日在家看看電子書，上上綱。借了一本講八字的電子書，睇完我都唔明！後來上綱看有關算命的video，佢講完我都唔明！

以前有人睇我的一生運程，其實我聽完就算了，因為講的很general ，好似話我會越來越好，這是十五年前的事了，咁我又唔覺得越來越好，又不是越來越差。我份工還是做得好辛苦，搵多了錢但是還是要供樓，所以我都話唔到你聽準唔準，因為所有野都是relative。

anyway，我開始語無倫次了，等我兔兔這個星期看了眼科才update啦。

今天覆診

多謝blog友兔奴提點，今天我問醫生有無eye gel可以保護隻眼,醫生給了artificial tears。

今天復診是check 眼，眼睛好了少少，但他有cataracts,獸醫話右眼應該是已經看不到東西。

眼科醫生 ophthalmologist 排期是七月中，問獸醫想不想我提前，因為預約姐姐話如果urgent，可以提前但會加多89蚊美金urgent fee。獸醫話由得我決定但他不是urgent。她只是想我看眼科因為可能佢miss something, 佢話眼科有可能會glue穩形眼鏡，等隻眼自己好返，也可能會手術將眼sew together。（但獸醫以前已經講過兔兔不可以麻醉，因為兔兔十一歲太老，可能醒唔返。）

獸醫今天是用dye check ulcer 和 check glaucoma, 上次check過dry eye。我問她覺得tobramycin 有無用？她說傷口已經是more superficial,所以她覺得有用。我聽了都安樂啲！

現在眼藥是tobramycin 是anti-bacterial (每天8，9次），atropine 是止痕（每天一次）， 和artificial tears（每天一次）。

獸醫話他膝頭已好返，右腳還是有點弱。兩個禮拜後才針灸，因為不想一次做太多, too much stress for him.

不過我話佢食得瞓得呵得就ok啦!

兔兔很好啊！

很耐冇update,兔兔很好啊，食得，訓得，我不求太多了，佢食得訓得已經很好了。約了動物眼醫生，因為滴了兩個月隻眼還未好呀！醫生話是ulcer，但是好了又生返成兩個月都係咁。換了藥一個月，即係試了兩種眼藥還未好呢！現在升至每兩個鐘滴一次呢！

不過眼科要排到七月，因為我住這個州只有一位動物眼科。現在針灸是每兩星期一次。行得好了很多但還是兩三步就趺呢。

有時他無心情食草粉，我就用草粉，香蕉，紅羅白，兔糧焗了餅餅，他唔肯喂食時就比兩個餅佢。藥物方面就是抗生素，中藥天麻和開胃的中藥。我也每週給他bene-bac是probiotics,保充他肚內的益菌 （因為長期食抗生素的關係）。

我現在很擔心他隻眼可能好大鑊呢，不過煮到黎先算啦，真係唔諗得咁多！

他的頭很重呵！

這兩個禮拜頭就沒有甚麼進步，可能好返只可以去到咁多呀！腳就好了小小，左腳可以用，右腳他可以用但他唔用。我還要一曰四次餵草粉，但他己不再同我打交，乖乖大啖大啖食啊！

針灸上兩次醫生都只針腳，而且現在只每兩個禮拜了，不是每個禮拜。

醫生問我，他是不是不dizzy了，我説我諗也是。我也不知呵，我靠故呵！

他的頭很重呀！

有時見到佢咁，都唔知好冇幫佢企起身？

頭還是很側呵！

有時佢自己都唔起身，口裡還食緊草呵！

頭還是側，但好了很多了 (但比佢嚇死）

上圖三月二十三號

三月抱佢出來餵草粉是這樣的，頭都跌落地下。

這副是四月十一號

今天他不肯食草粉，捲埋個波咁，要等一陣再餵。

他現在好擦得，二十四小時食菜，訓一陣又食一陣，一見無菜無草又放一堆落去。兔糧又係放一少堆，佢食咗又放。後腳還是很弱，不過可以自己起身。如果再過多一個月後腳還是無力，我諗住同佢訂輪椅。

現在日日都開冷氣，我就要著sweatpants 。佢就鬼咁happy。

今天去見獸醫，metacam 可以改吃一日一次，然後一星期後就可以停了。因為醫生話長期食對kidney 不好。其實兔兔兩隻眼都有ulcers，擦了眼藥膏左眼好了很多，右眼還有，所以要繼續擦眼藥膏。很開心他體重無再跌了，維持在1.06kg。他要肥返啲呢！病之前他是1.25-1.3kg呢！

他今天嚇死我，針灸時跳起呢，跳到助手，然後再跳，我起身想捉住佢，好在獸醫一手抱住佢，我真係嚇到面都青囇。衰仔貓就話有九條命啫，兔仔邊有九條命呀？

亞仔今個星期有進步

今天去針灸，亞仔好乖呵！

兔兔救命物資到了，唔係講笑，真係小一樣都唔得呀。

亞仔真係瘦了很多呢。

他已可站起來，頭也無咁側，但行路還是一仆一碌，所以繼續要訓bb籃。

我唔寫太多了，因為很累了。

another setback today

今天早上打電話給獸醫話佢知點解兔兔反另一邊嘅,獸醫話好concern喎.叫我兩點去,佢double booking,不過叫我兩點去.

其實佢聽電話嗰reception好難即日booking,如果唔係我都唔洗去咁多次急症室啦.有次啱啱佢個business manager聽電話,話佢聽沈晚去咗急症室,佢即刻話[你九點嚟呀,在她第一個appointment前嚟呀,不過charge你急症rate.]我話無問題呀. 真係遇到好人爭好遠!

兔兔整親腳,現在要再放多啲毛巾夾住佢,等佢自己好.藥是anti-inflammatory. 衰仔佢又成日唔行得又行嚟行去.

我已經不再問點解,仲之希望過幾日佢好返就好啦.

今天針灸

是不是心理作用呀。今天針灸回來頭好似沒有這麼側呀。站得穩穩的，但起身時就有點難。很奇怪，他躺在另一邊呀。病咗咁耐都係躺在左邊，今天針完返嚟就躺在右邊！行得幾穩，只是起身時就有點困難。過了這個禮拜再看看怎麼樣。

上星期去急診室照過右腳沒有事嗎。獸醫話隻腳是用得的，可能是balancing issue 。所以我都唔知！不過上次他冇用到右腳後來他會compensate，起身都唔知起得幾快。所以看看他過幾天怎麼樣。

其實我自已也沒有做過針灸，所以話唔到你聽有無幫助，不過好似幫到兔兔我就繼續做啦！

兔🐰兔的一天

⬆️今朝七點，食飽草粉，毛巾long住個頭訓覺

⬆️下午午飯時間，成功挖到條毛巾，佢想咁樣訓喎！

⬆️下午開了冷氣給他，我放工返來，佢訓到隻豬咁。

⬆️放工返來同佢換了毛巾，再餵飽佢草粉，又訓過！

⬆️媽媽頂唔順啦，在房用手機看著他，他正在食草。

是咁的，昨天放工回來發覺他耳朵挺熱的。開了冷氣給他，我就凍到死。呢幾日都好涼,大約二十度,唔知點解佢會熱! 今天下午也開了冷氣給他，有冷氣他睡得很好的。

前幾個禮拜成日都要在廳看住佢。佢一醒就比野佢食，真係頂唔順。後來上綱揾方法，用我部舊電話來做 cam，現在可以用我手機做viewer昅住佢。起碼我可以入房休息。

亞仔相

有時他是側成這樣

有時就係咁樣

通常如果佢咁樣我都放平他在BB籃等佢訓覺。

初初走去買了成十幾條毛巾，現在天天都要洗&消毒毛巾。

介紹各位在美國的朋友如果要消毒用這隻Lysol,不是間間有得賣，如果我行過見到有一定買幾樽放係屋企。(我這裡沒有滴路賣。)

兔兔最新消息

三個禮拜了, 兔兔已經可以站起來,雖然還是側頭. 但我已經很安慰.  這幾個禮拜,我去了急症室5次. 普通獸醫唔知咁多次，有幾曰請假，有幾日在家remote in 返工來照顧他。

真是出路遇貴人，那晚狂打電話去動物醫院的時候，聽電話的姐姐問我你兔兔甚麼事？然後叫我去某動物醫院，比埋電話地址我。叫我唔冼打電話啦，就咁去啦！

那晚打了兩間動物醫院都沒有睇兔仔的醫生當職。真係講電話好聲好氣真係唔同啲。多得那位姐姐。

我也沒有聽過這間醫院，靠iphone google map 帶路，行到一半條公路重要黑晒，要揸半個鐘頭車。

他現在食緊抗生素，兩種中藥（一種有天麻for seizure,另一種有黨參甘草之類for 開胃），每星期針灸，每個禮拜都有進步。由當初只是攤係到，現在已可以站起來。我一日三餐要餵草粉。他就可以自己食草和蔬菜。

由於他還未行得穩，現在要睡BB籃，我要餵糧餵水。

現在還未確定是甚麼病，通常兔兔側頭只有三個原因，中耳發炎，寄生蟲上腦或腦癌。so far 所有test都是negative. 最後沒有做的是MRI，因為他的情況太不穩定不可能做。

但他能站起來我己經很開心，話晒他己是十一歳。

他要穿手巾因為成曰咬自己前面啲毛，頭還是側，希望再過幾個禮拜會有進步，現在只可行幾步就會跌，所以不可能放他出來。

亞仔又病了

老咗真係冇用，兔仔又病了。他側頭了，昨晚去了急証，還好好的，今朝已經企唔到。嗱嗱淋去獸醫，影了相，但是不想放岀來了。放底他一日，現在要餵他呢。現在我心很亂。