有日去咗行山 Makapuu lighthouse

五月因為我有親戚到訪，有曰我地去咗行山。雖然是鋪了的路，但還是要行上山，所以都行到一條氣。這裡是遊客好popular的地方，有好多人還帶埋狗一齊去。我就覺得啲狗好幸苦，因為要行成個鐘先上到頂，然後又一個鐘至落返嚟，而且石屎地啲熱氣咁蒸上嚟啲狗腳會唔會好熱呢？

終於去試了Hinone Mizunone

話說常常在 katie kitchen katie world 的blog http://katieworld0301.blogspot.com/

看到她成日去這個餐廳，原來我成日都經過！

一天一路揸車無意中望到正門，咦，咪 katie 成日去那間Hinone Mizunone？真係住咗咁耐都無留意這地方.

之後去過兩次，真係幾好喎！

日本的兔兔島

想看美女兔照嗎？

亞女去了日本的兔兔🐰島，有好多好多兔仔。很開心呢！

老實講，我同事問我，佢而家去到邊到呀？

我話唔知喎！佢無講我又無問喎！

佢今次是第二次去曰本，上次是同學校去，今次佢自己儲錢去，所以我都唔係咁擔心。

這代人真幸福，我讀書時邊鬼都無得去 呀！

我有個朋友，佢好搞笑，屋企放了三間doll house 公仔屋，但佢無小朋友喎！佢話以前屋企買唔起公仔屋，佢而家自己有錢就買比自己玩。

我老豆以前都話佢會整間公仔屋比我，最後都無整到，我現在長大還記得呢，嗚嗚！

養兔要三思，他們不是玩具。

http://hk.on.cc/hk/bkn/cnt/news/20160326/bkn-20160326112332262-0326_00822_001.html

東方有徧野寫有關養兔，我真是非常認同。

其實我屋企都有人鼻敏感，都一樣成功養到兔，所以識處理其實係無問題架。

點解佢叫花生？

兔兔睇電視

點解兔兔叫花生？其實無乜點解，當初領養他時，本地動物協會話佢叫花生。咁其實我唔係好鐘意個名，但諗住費事佢confused,方便叫佢，所以無同佢改名。

但其實我是全錯！因為原來我叫佢個名佢係唔黎架！仲要越叫越走！我叫bunny bunny佢先黎，或者叫boy boy佢都會應，由奇是有時唔見左佢，佢走咗去櫃底，叫佢佢會出返黎架！

他也喜歡睇電視，唔係講笑，一息咗電視就成曰在我腳串來串去。一開電視就坐定定睇電視。可以開無聲都得，會坐定定的看，很有趣呢！

終於有得放假

今個星期放一個禮拜假，然後再下下個禮拜又放一個禮拜，要月底前用九日假。其實我都幾火滾，我工作冇人back up,所以聖誕時都唔得閒放假，而家就死要放兩個禮拜，如果唔係就冇左啲假。

我這幾個月都幾忙，一月底去了溫哥華training,轉個頭返來又有野趕。所以都沒有出去玩（不過我好多年前去過，所以都冇咩地方想去。）

然後二月就走廊同廚房舖了地板，事源我十一月black Friday 減價買了九毫九子一呎的地板，嗰幾盒野放了在地下放咗三個月終於鋪了。

是這個色，我自己通常唔會選這色，但Black Friday 九毫九子呎，即係二十幾蚊美金盒，我話知佢乜野色呀！買了五盒都係一百幾十蚊。我已經買多咗，但我有的鋪錯咗，所以都要返去正價買多一盒，誠為四十五蚊美金。

我以前有兔兔走來走去地下鋪晒yoga mat,因為兔兔地板太滑跑不到呢。所以我屋企以前真係成個狗tou咁。

我好掛住兔兔，朋友問我會否再養？我都想但我可能年尾會搬，兔仔又唔搭得飛機，所以都係睇定啲先，事關一養就十年呢。當初兔兔一發病時我停晒所有要冼錢的東西（即係例如買新雪櫃之類），份工點難頂都死頂，等我可以轉心照顧兔兔，所以現在我都係見一步行一步，等我安定下來才決定養不養吧！

我上月去本地的動物協會看兔仔，佢地有六隻兔一隻雞等領養，有一隻啡色的兔，我真係想抱他回家呢！

今天看Super Bowl

人睇我又睇，多數都係看廣告。但係呢幾日都頭痛，所以兩日都無出街。我成日都話，我呢份工再做命仔都短幾年。

我在電視機旁放了兔兔的相。其實初時我無點諗住放他的相,但有次執野時找到在台灣時買的相架，就放了他的相。

快餐店的婆婆

直係好感觸。今天同亞女去快餐店買野。前面個婆婆叫了碗麵，四蚊美金，見佢數銀仔數哩數去。咁我伸長條頸睇吓佢數到未。
亞女話:「亞媽，你唔好好似啲師奶咁八卦啦！」
我細細聲話:「唔係呀，我睇吓如果佢欠小小我諗住同佢比埋呀！」
點知原來佢欠四蚊，但佢在手袋巢哩巢去都係得幾毫子。
咁個收銀話:「你張咭呢？」（應該是政府給的福利咭，可以用來買食物）
咁我見佢巢哩巢去都冇攞張咭出來，只是數銀仔。
咁我同收銀講:「我同佢比啦。」
我攞張5蚊個收銀找埋錢，佢都好似唔知發生乜事。
後來個收銀話:「佢同你比咗啦」婆婆講多謝，我估她是韓國人，可能唔識講英文。（如果是唐人，我會同佢地講廣東話。）

後來我叫餐時同個收銀話「佢是熟客？」（在這裡出街同外人講兩句是好普通的事，有時撘電梯啲人都會同你講bye bye)

收銀話佢一日三餐都係在這裡解決，不過佢平時有張咭，可能佢唔見咗張咭，話佢有時唔記得比錢添呀！」
唔知點解我聽完之後很感嘆，我老咗之後又會唔會咁呢？

後來我同亞女出去門口，亞女望望對面話對面好似係老人宿舍，可能佢係住對面。
我同亞女講佢一日三餐都係快餐咪食到佢高血壓？直係好感觸。

去Kauai開會

前排要去開會，嘩呢到乜人都冇。心諗在這裡生活多好啊。冇塞車呀！

我現在好迷茫，這是兔兔和我的blog,不知怎樣寫下去呢。

很漂亮的欗花🌹

兔兔🐰你看，媽媽買給你的欗花多漂亮啊！

你獸醫多好，寄了張心意咭給媽媽。她其中一位助手還寫你怎樣成日咬我奶奶攞友！真搞笑！

Dear Bunny

兔兔你看，我同事送給你的花花，多漂亮呀！

Dear Bunny,

 你上兔兔天堂呀,唔冼掛住媽媽呀。在上邊，大把朋友同你玩，又可以睇返野。不過要改改你的臭脾氣，係得媽媽先忍你咋。有時我都唔記得你都十幾歲，即係是一隻很年老的兔兔，所以你身體好多器官都有事, 真係辛苦了你。

好好去玩吧！

你真係隻好好, 好乘的兔兔呵！

兔兔睡姿

兔兔病之前唔係訓成咁架。

自從佢病了之後，有時訓訓吓會碌落地。

他現在已經停止所有treatment,只是食止痛藥，

衰野同佢餵草粉成日同我打交又挖洞又盛，有時又好乖咁大啖食晒。

他平時訓時條頸係直嘅，但訓訓吓會灣到90度，然後有時會碌落地。

獸醫話要諗諗下一步，但我還未決定到呢。

十二歲的兔兔

兔兔is now under hospice care ，一日兩次止痛藥，暫時他好受草粉，大淡大淡咁食。

側頭總算好返，隻眼也好返。

上月ultrasound liver 積水, liver 發到雙倍咁大。

我不寫太多了。。。。

兔兔物資

衰仔又唔肯食野，因為上次嗰包唔知點解無咗好香的香蕉味，後來我再訂大包裝的諗住可能批貨係咁。大包一磅裝也是沒有了香蕉味。係買apple banana flavor 都冇香蕉味。決定訂fine grind試試看，fine grind開了水後好似溶了的綠茶雪糕般，但係陣味是草味。我就覺得好難頂，兔兔就好鐘意！他現在肯食了，有得入有得出。不過佢唔知可以頂到幾耐，過得一曰得一日。

兔兔很好,媽媽就心掛.

兔兔訓緊覺，無儀態可言！

上回講到約了眼醫生七月中，因為媽媽擔心而預約姐姐話可以urgent care但要加錢，終於打電話去問可不可以早啲。呢個唯一一個的動物眼科一個禮拜只開四日，我可以drop off然後遲啲接返亞仔走，兔兔只是在那裏四個鐘就收我urgent care+hospitalization。

眼醫生放了glue在眼球，換了眼藥cipro，一個月後再返去。其實佢話glue可以optional ，不過我諗住撗掂都係做埋佢，當然又是加錢啦。唔通唔醫咩。眼醫生話兔兔有cataracts,兩隻眼都看不到了。個醫生好好人，她自己也有兩隻兔兔。

上個星期去了眼醫生，針灸改了今個星期，因為不想他一個星期內做太多，沈日兔兔冇得出，好在公司放早，下午返來就餵metoclopramide，又餵probiotics。 今朝起身兔兔已經有得出了。

上次啲中藥叫做6 gentlemen 六君子食晒，問醫生refill 佢無貨，所以無攞。今次再問又無貨比了4 gentlemen 四君子我。其實我對中藥沒有認識，但都知道要長期食才有效。google 四君子在網上找到成份，黨參，白術，黃芪，

茯苓。雖然我都很擔心，但我覺得他種算是穩定啦。

你們信算命嗎？

哩幾個月因為要照顧兔兔，真係冇出街。星期六日在家看看電子書，上上綱。借了一本講八字的電子書，睇完我都唔明！後來上綱看有關算命的video，佢講完我都唔明！

以前有人睇我的一生運程，其實我聽完就算了，因為講的很general ，好似話我會越來越好，這是十五年前的事了，咁我又唔覺得越來越好，又不是越來越差。我份工還是做得好辛苦，搵多了錢但是還是要供樓，所以我都話唔到你聽準唔準，因為所有野都是relative。

anyway，我開始語無倫次了，等我兔兔這個星期看了眼科才update啦。

今天覆診

多謝blog友兔奴提點，今天我問醫生有無eye gel可以保護隻眼,醫生給了artificial tears。

今天復診是check 眼，眼睛好了少少，但他有cataracts,獸醫話右眼應該是已經看不到東西。

眼科醫生 ophthalmologist 排期是七月中，問獸醫想不想我提前，因為預約姐姐話如果urgent，可以提前但會加多89蚊美金urgent fee。獸醫話由得我決定但他不是urgent。她只是想我看眼科因為可能佢miss something, 佢話眼科有可能會glue穩形眼鏡，等隻眼自己好返，也可能會手術將眼sew together。（但獸醫以前已經講過兔兔不可以麻醉，因為兔兔十一歲太老，可能醒唔返。）

獸醫今天是用dye check ulcer 和 check glaucoma, 上次check過dry eye。我問她覺得tobramycin 有無用？她說傷口已經是more superficial,所以她覺得有用。我聽了都安樂啲！

現在眼藥是tobramycin 是anti-bacterial (每天8，9次），atropine 是止痕（每天一次）， 和artificial tears（每天一次）。

獸醫話他膝頭已好返，右腳還是有點弱。兩個禮拜後才針灸，因為不想一次做太多, too much stress for him.

不過我話佢食得瞓得呵得就ok啦!

兔兔很好啊！

很耐冇update,兔兔很好啊，食得，訓得，我不求太多了，佢食得訓得已經很好了。約了動物眼醫生，因為滴了兩個月隻眼還未好呀！醫生話是ulcer，但是好了又生返成兩個月都係咁。換了藥一個月，即係試了兩種眼藥還未好呢！現在升至每兩個鐘滴一次呢！

不過眼科要排到七月，因為我住這個州只有一位動物眼科。現在針灸是每兩星期一次。行得好了很多但還是兩三步就趺呢。

有時他無心情食草粉，我就用草粉，香蕉，紅羅白，兔糧焗了餅餅，他唔肯喂食時就比兩個餅佢。藥物方面就是抗生素，中藥天麻和開胃的中藥。我也每週給他bene-bac是probiotics,保充他肚內的益菌 （因為長期食抗生素的關係）。

我現在很擔心他隻眼可能好大鑊呢，不過煮到黎先算啦，真係唔諗得咁多！

他的頭很重呵！

這兩個禮拜頭就沒有甚麼進步，可能好返只可以去到咁多呀！腳就好了小小，左腳可以用，右腳他可以用但他唔用。我還要一曰四次餵草粉，但他己不再同我打交，乖乖大啖大啖食啊！

針灸上兩次醫生都只針腳，而且現在只每兩個禮拜了，不是每個禮拜。

醫生問我，他是不是不dizzy了，我説我諗也是。我也不知呵，我靠故呵！

他的頭很重呀！

有時見到佢咁，都唔知好冇幫佢企起身？

頭還是很側呵！

有時佢自己都唔起身，口裡還食緊草呵！

頭還是側，但好了很多了 (但比佢嚇死）

上圖三月二十三號

三月抱佢出來餵草粉是這樣的，頭都跌落地下。

這副是四月十一號

今天他不肯食草粉，捲埋個波咁，要等一陣再餵。

他現在好擦得，二十四小時食菜，訓一陣又食一陣，一見無菜無草又放一堆落去。兔糧又係放一少堆，佢食咗又放。後腳還是很弱，不過可以自己起身。如果再過多一個月後腳還是無力，我諗住同佢訂輪椅。

現在日日都開冷氣，我就要著sweatpants 。佢就鬼咁happy。

今天去見獸醫，metacam 可以改吃一日一次，然後一星期後就可以停了。因為醫生話長期食對kidney 不好。其實兔兔兩隻眼都有ulcers，擦了眼藥膏左眼好了很多，右眼還有，所以要繼續擦眼藥膏。很開心他體重無再跌了，維持在1.06kg。他要肥返啲呢！病之前他是1.25-1.3kg呢！

他今天嚇死我，針灸時跳起呢，跳到助手，然後再跳，我起身想捉住佢，好在獸醫一手抱住佢，我真係嚇到面都青囇。衰仔貓就話有九條命啫，兔仔邊有九條命呀？