晏晝食乜嘢2

豬扒包

laksa，很好吃的，在這裡，好多時啲魚蛋都是切開一半的。

早餐@jack in the box,portuguese sausage是會上癮的。

路過這裡一定要試portuguese sausage呀！

這裡的麥當當和很多快餐店早上都有飯賣的。

早餐去七仔買燒買同臘腸包，好鬼多味精！

臘腸這裡叫lup cheong

麵豉湯拉麵，有肉碎有牙菜，這個很好吃的。

和老人家對話-生乜話？

我很喜歡和老人家聊聊，他們有很多故事，挺有趣的．以前搭飛機，看醫生，就算在銀行排隊也會遇到有趣的老人家，講想當年的故事，就聊兩句。現在就小了好多，除了看醫生外，其他野都上綱做。

不過不是個個都好聊的，我以前有個老人家隣居，次次見親我都好似審犯咁，得個八字。

好多年前，在downtown返工附近的快餐店食早餐，有一班講廣東話的亞伯，講野大大聲聲的，坐在一面飲咖啡，他們天天晨咁早就坐晒係到。

我一路食早餐，一路聴到有位亞伯講香港，應該是四幾年時，他好似係行船的，佢話唔知邊到邊到，佢去過嗰到睇個乜乜乜醫生嗎，佢生花柳去嗰到乜乜醫生醫花柳嗎。仲要鬼咁大聲，我差點連咖啡也噴了出來。。。。。。。。

當時好想過去聊聊，不過後來都冇，一來趕返工，二來費事嚇親佢地。好耐冇早上去那間店，唔知佢地重係咪到呢？

食書怪

我屋企是不可以放書在地下，兔仔太喜歡咬書了。

最近佢又嚇我，放工返來放他出來走走。他竟然就地縮埋個波咁瞓覚，兩晚都係咁。咁我就趕返佢入寵等佢瞓覺。真係唔知佢搞乜鬼。

後來話比亞女知，亞女話「佢日頭瞓唔夠呱？」哦，咁即係點呀？

第曰我在公司,亞女text我，「隔離裝修嘈醒兔仔呀，he is awake and eating.」原來如此！佢真係敏感！

bunny 報告

想報告吓兔仔近況。去了新獸醫幾次了，照了幾次X光，又驗了幾次睇吓有冇感染。剛食完一個月抗生素，獸醫話沒有感染了。她叫我繼續餵抗生素，但是每隔日，下個月返去照X光。

bunny仍然是紮紮跳，好生猛。現在的療程是繼續食中藥一日三次，抗生素隔日一次，一個月後再照X光。他的病冇得醫，現在只有控制病情。有天比佢嚇死，我有天半啁返屋企，衰仔成條咸魚咁撻咗係到，我仲以為佢瓜老襯，開燈望吓佢，佢先喔高個頭望望我，真係比佢嚇死！

bunny真係百厭到不得了。如果你見過兔仔跳。他們會向上跳，然後在空中個攞友會轉九十度，好搞笑的。他們也喜歡好似小孩般狂跑。我不知多少次踢親佢。我行去廚房時他會突然在我腳底跑過，真係差啲給他絆倒。除了狂跑外，他也喜歡搞亂檔。同佢換籠子的報紙，他會同我抓晒出黎，鬧激都唔聽。好鬼百厭！

唔好周圍蹲呀!

真癡線！剛剛去寵物店買草比bunny。好彩冇泊落某個位。有一強國男女蹲底，男的在食煙。好彩我望得快，冇泊那個位,也沒有駛埋去。（其實我比佢地嚇咗一嚇，因為我差點泊了那個位。）。他那麼蹲底在車頭旁，車跟本是看不到他的，分分鐘比車撞親佢。起碼如果佢站著食煙，人地會看見他吧。真癡線！

有啲父母好惡呀！

這是幾年前的事了。當年返香港，在日本轉機，在等緊上機時，有一家人行緊呢，講廣東話的。亞仔大約八，九歳，行到離我都幾遠就坐底。周圍都冇乜人。亞媽話個仔，「邊有人坐嗰到！坐哩到嗎！」我心諗，地方咁大，坐邊到都冇乜所謂，咁都比亞媽鬧，好陰公啊。

我覺得有很多父母太尊制了。小孩嗎，小的事情就讓他們自己決定吧了。第日上中學同大學就不用成日問亞媽點做，他們可以問父母意見，但最後還是要他們自己決定的啊。

我記得我家小孩細時，他還未分到左同右，我就在他櫃桶貼了1，2，3，4，叫他去一號櫃桶攞衫，二號櫃桶攞褲......之類。如他想紅襯綠，由得他吧！

後來他學懂了，就變了［今天凍呀，著長袖呀！］或［今天熱呀，可以著短褲。］之類。

再後來又學懂了，小孩會問［今天熱淨凍呀？］我話，［早上開電視看天氣報告，凍就著長袖，熱就著短袖啦。］

（哈哈，其實是我自己掛住著衫，唔得閒理佢哋！）

他們現在長大了，乜都自己搞掂！我常說，［媽媽不是24小時陪著你，你們要自己做決定啊with your best judgement。］

我還有很多別人的故事，得閒再寫。

乾了還用得嗎？

哈哈，我真大濛，看不看到全pack濕晒呀？放了出露台。前天買了沒有帶上樓。也裝了三樽一加㖮的水，帶了兩樽上樓就算。放在司機位後面，今朝返工放了lunch bag同廁紙頂住樽水，後來返工帶了lunch bag上樓。放工時話走就走，忘記後面有樽水。哈哈，仲要去埋藥房同bunny攞藥先返屋企。返到屋企一打開後面對門，嘩！一加侖水倒晒在車內！真係唔知好嬲淨好笑！