bunny 報告

想報告吓兔仔近況。去了新獸醫幾次了，照了幾次X光，又驗了幾次睇吓有冇感染。剛食完一個月抗生素，獸醫話沒有感染了。她叫我繼續餵抗生素，但是每隔日，下個月返去照X光。

bunny仍然是紮紮跳，好生猛。現在的療程是繼續食中藥一日三次，抗生素隔日一次，一個月後再照X光。他的病冇得醫，現在只有控制病情。有天比佢嚇死，我有天半啁返屋企，衰仔成條咸魚咁撻咗係到，我仲以為佢瓜老襯，開燈望吓佢，佢先喔高個頭望望我，真係比佢嚇死！

bunny真係百厭到不得了。如果你見過兔仔跳。他們會向上跳，然後在空中個攞友會轉九十度，好搞笑的。他們也喜歡好似小孩般狂跑。我不知多少次踢親佢。我行去廚房時他會突然在我腳底跑過，真係差啲給他絆倒。除了狂跑外，他也喜歡搞亂檔。同佢換籠子的報紙，他會同我抓晒出黎，鬧激都唔聽。好鬼百厭！